Aw, kawngkhar

Tûk tinin kan hawng ṭhin a,
Zan tinin kan khar ṭhin;
Nang vangin kan him ṭhin a,
Nang vangin kan lawm ṭhin.

Mawi duhin kan chei che a,
Mi mit fûkna ber i ni;
I phênah sual mah ila,
I phênah vêk mi fel kan ni.

Nang vangin kan mawi a,
Mahse, i zahawmna ro;
Kan nawm kan mâkah,
Kut thak kan hnawih fo.

Thinrim eng phiarin,
Kan hawng ṭhuai ṭhin che;
Min mawitu i nih haiin,
Kan khâr ri bur ṭhin che.

Nang chuan engmah sawi lovin,
Ngawih i chuh tlat si a;
Kan himna leh mawina i nih hi,
Kan hai zêl dâwn a nih hi a.

Posted in: Lenglawng