THIAN NGE NGAIHZÂWNG?

(Nula leh tlangvâl inkârah)

He thu hi ho hlein lang mah se, ngaituahna tuipui zauvah kawmpas tel lova min lên kawi rengtu a ni fo mai. A chêpakaiin chhui dâwn ila keini ang \hi beh lo thu chu tu’n zuk aw–e hek suh, a tlin pawh hi ka tlin lo hrim hrim. Eng pawh ni se, mite’n “Ka \hâl mau puah”, “Ka \hâl bekang puah”, “Ka ba sa ngam” an ti emaw pawh lo ni tehrêng se, kei ve chuan a engti zâwng mahin ka ngam lova, ka hriatthiam hleih theih loh chu nangni’n in lo hriatthiam tâk hlauhin tih thuah inthlahrung dêkin ka rawn thai ve mai mai a nia.

‘|hian’ tih chuan kan chiang tlâng vek tûrah ka ngai. Amaherawhchu, \hian rau rauah pawh ‘\hian bul’, ‘\hian \ha’, leh ‘\hian satliah’, tihte hi awmin ka hria a. Kan tân an hlutna pawh a inang lo zung âwm e. ‘|hian bul’ tih hi chu sawifiah thiam phâk loh khawpa nghet niin ka hria a, ‘\hian \ha’ tih ai pawh hian a la nghet zâwk a ni. A ngah pawh kan ngah ngai lo. Kan engkima kan engkim an ni a, thu chhia-a-\ha kan lâkna hnâr ber an ni; a awmzia takah chuan kan ‘innghahna’ an ni. ‘|hian satliah’ tih hi chu kan sawi tûr huangah a tel ve dâwn loh avangin sawi thui lo mai ila.

‘|hian \ha’ tih tak hi kan thupui atâna a mei dep kaitu chu a ni. Zephyr Mapuia, nupui nei reng chunga nula dang a lo tawmpui, an nuin a rawn hmuh tâk thut a, a hrilhhai lutuk thusawi hian a tichiang viau âwm e – “Kan chhûngte”. Awih harsa tak chu a ni ngei ang. Chutiang deuh chuan ‘ka \hian a nia’ tihah hian thu khuh tam tak a awm tel thei tlat!

|hian \ha inhmangaihna hi a hlû a, a ropui a, nasa taka chawimawi phû a ni. Kan \hian \hate tân chuan engkim kan phal a, keimahni ngei pawh kan inphal \hin. Mutnaah kan ngaihtuah a, nulate phei chu chhuak dâwn hlek se, chhuahpui atân an sâwm deuh ngei ngei lehnghâl. Min be khât deuh se kan han titau vêl a, mahse kan inhaw rei ngai lo. Rei loteah inngai takin kan inpan leh nge nge \hin. Hei hi \hian \ha tak, nula leh tlangvâl kâra thil awm thei, awm ngei leh la zawm zêl tûr chu a ni.

|hian inkâra hmangaihna thûk tak awm chu sawisêl chi a ni lova, thîk chi pawh a ni bawk hek lo. Chu tak chu alawm \hian \haa min siamtu chu! ‘|hian a\ang hian inngainatna – induhna – inhmangaihna a lo chhuak \hin’ tih formulae hi in pawm ve em? |hian \ha a\ang ngeia innei tate hi an inhmangaihin an inmil duh phian! A nih si chuan, \hian inhmangaihna chu nula/tlangvâl inhmangaihnaah a lo inlet (transformed) tihna a ni ang.

He, \hian inhmangaihna tak hi alawm hriatthiam harsa ta chu. “Ka \hian alâwm” an tih tlat hi chuan thîk chi lah ni bawk si lo. Inhmangaihna thûk zâwk a thleng awlsam êm êm tih kan hre ve kur bawk si. Kei ngei pawh hian \hian chutiang chu ka nei a, tu pawh hian kan nei vekin ka ring. Kan ngai êm êm a, an bula tawlh hrut hrut hi kan thlâkhlelh ber a ni fo. Kan hmangaih tlat a (\hian inhmangaihnain), kan kalsan hlei thei lo. Chu kan \hian chuan ngaihzawng lo nei ta se, a ngaihzawng chuan min thîk ve viau thei tho. “Kan kârah engmah a awm lo, \hian \ha alâwm kan nih” ti \hin mah ila, an ring chuang lo maithei.

A nih chuan le, thian inhmangaihna (nula leh tlangvâl inkârah) nge thûk zâwk anga ngaihzawng inhmangaihna? |hian inhmangaihna chu ngaihzawng inhmangaihna a ni ve mai em? He hmangaihna ve ve hi thil hrang daih, mahse awm kawp si a ni. Chuvangin, i ngaihzawng khân \hian \ha hmangaih tak a nei a nih chuan thîk loh ngawt kha a dik ber lo, thîk ngawt pawh a dik ber chuang lo! Hui ha, a harsa a ni ti r’u? A chhan chu an inngainat êm êm chuan keini min kalsanin an inngaizawng hlauh thei tlat alawm!!!

Posted in: Lawrkhawm